Trygg i eget hjem? – fra et brukerperspektiv - sammendrag på samisk
Čoahkkáigeassu
Čoahkkáigeasu ulbmil lea identifiseret, čilget ja čoahkkáigeassit máhtu dorvvolašvuođa birra iežas ruovttus gehččojuvvon vuoras olbmuid bealis geat ásset ruovttus, mas lea mearkkašupmi norgga suohkaniid dearvvašvuođa- ja fuolahusbálvalusaide.
Čoahkkáigeassu fátmmasta 18 dutkan- ja ovdánahttinbarggu mat leat čađahuvvon Skandinávias, almmuhuvvon áigodagas 2018-2022, ja leat čállojuvvon skandinávalaš gillii dahje eaŋgalasgillii.
Dain vuoras olbmot geat leat searvvis dain 18 vállju almmuhusain, lea dat oktasaš ahte sis lea dearvvašvuođa- ja doaibmanákcahedjoneapmi mii unnit dahje eanet dagaha dárbbu dearvvašvuođa- ja fuolahusbálvalusaide.
Almmuhusat identifiserejit iešguđetge dilálašvuođaid mat leat mávssolaččat dasa movt vuoras olbmot vásihit dorvvolašvuođa ruovttus. Mii leat šláddjen daid čieža fáddásurggiide.
- bálvalusat mat buvttihit dorvvolašvuođa
- dovdu ahte leat ruovttus
- veahkki ja doarjja bearrašis ja fierpmádagas
- mielmearrideapmi ja hálddašandovdu
- positiiva oktavuođat ja luohttámuš bálvalusaide
- čielga ja olámuttolaš bálvalusat
- teknologiija ja digitála bálvalusaid geavaheapmi
Dutkamiin lea dábálaš ruovttuubálvalus čálgoteknologiija, joavkovuđot árjabidjan ja eastadeaddji fálaldat ovdamearkan bálvalusaide mat buvttihit dorvvolašvuođa . Dovdat iežas ruovttus sáhttá leat vásihit iehččanasvuođa, ahte leat ruovttus iežat eallimis, ahte sáhtát čuovvut iežat vieruid ja dábiid, ja ahte leat lahka olbmuid geat leat dehálaččat dutnje. Bearraša ja fierpmádaga doarjja mearkkaša dovdduide guoski ja praktihkalaš doarjja, ja lea hui máŋgasii mearrideaddji eaktu sáhttit hálddašit árgabeaivvi ruovttus. Mielmearrideapmi ja hálddašandovdu čuožžila go dovddat ahte nagodat váikkuhit ja hálddašit árgabeaivvi, dan sáhttá ovddidit go bálvalusaid addin čuovvu vuoras olbmuid eavttuid. Positiiva oktavuođat ja luohttámuš bálvalusaddiide, mii ipmirduvvo áibbas dehálažžan dasa ahte vuoras olbmot galget dovdat ahte leat oadjebasat ruovttus, guoská dasa ahte deaividit gelbbolaš fágaolbmuid, muhto lihka olu dasa ahte deaivat soapmása gii dovdá du ja addet dovddu ahte sii beroštit dus. Čielga ja olámuttolaš bálvalusain lea sáhka dieđuin bálvalusaid fálaldaga birra, ja gii boahtá goas fitná, ja luohttámušas ahte bálvalusat lea das go dárbbašat.
Teknologiija ja digitála bálvalusaid geavaheapmi sáhttá dahkat vuoras olbmuid dorvvolažžan ja dorvvuheapmin. Olu dáhpáhusain buvttiha teknologiija oadjebasvuođa ruktui ja friddjavuođa dahkat beaivválaš doaimmaid. Vuoras olbmot eai luohte eavttoheamet teknologiijii. Dát sáhttá áitit sihke persovdnasuodjalusa ja muhtumin heađuštit eallima ja iešheanalašvuođa.
Dat mii fuomášuvvui dán čoahkkáigeasus čájeha ahte vuoras olbmuid vásáhus dorvvolašvuođas lea čadnon olu dilálašvuođaide mat loahpa loahpas guoskkahit dan mii lea deháleamos fuolahusas: Olbmuid deaivvadeami kvaliteahta.